ئەم رەمەزانە 60 شوێنی كار لە كەلار سزادراون

+964
میلاد جەلال – کەلار

لیژنەکانی قایمقامیەتی قەزای کەلار، لەماوەی 27 ڕۆژی مانگی رەمەزاندا 60 شوێنکاریان سزاداوە و سێ تۆن خۆراکی ماوەبەسەرچوو و نەگونجاویان لەنێوبردوە.

سێ مارکێت بە داخران سزا دراون، ھەروەھا کۆگایەکیش کە ویستویەتی خۆراکی بەسەرچوو نوێبکاتەوە و بیخاتە بازاڕەوە دراوە بە دادگا.

ھەردی سەرکەوت لێپرسراوی بەشی پەیوەندیەکان و ڕاگەیاندنی قایمقامیەتی قەزای کەلار بە تۆڕی 964 وت، لەماوەی 27 ڕۆژی مانگی رەمەزان 60 شوێنکار بە بڕی پێنج ملیۆن دینار پسوڵەی سەرپێچیان بۆکراوە، ھەروەھا سێ تۆن خۆراکی ماوەبەسەرچوو لەنێو براون”

وتیشی”لەسەر دۆسیەی ئەو کۆگایەی کە دراوە بە دادگا تاکو ئێستا سێ کەس دەستگیرکراوە و بڕیاری کۆتایی لەسەر دۆسیەکەی نەدراوە تا ئێستا”

لیژنەكان بەردەوامن لە داخستنی ئەو شوێنانەی كە سەرپێچی دەكەن و خواردنی بەسەرچوو دەفرۆشن.

پێداچوونەوە: کوردستان ئەحمەد