راگەیەندراوێک لە بەڕێوەبەرایەتیی ئاسایشی هەولێرەوە

+964
كوردستان ئەحمەد- هەولێر
ئاسایشی هەولێر راگەیەنراوێكی لە بارەی  رووداوەكەی كەورگۆسكەووە بڵاوكردەوە.

:ئەمە دەقی راگەیەنراوەكەیە

ئێوارەی ئەمڕۆ 15ی نیسانی 2023، لە گوندی ئاغوڵانی سەر بە ناحیەی کەورگۆسک، دوو بنەماڵەی دانیشتووی ئەو گوندە لەسەر کێشەی زەویوزار بووەتە دەمەقاڵەیان و پاشتریش تەقە لەنێوانیاندا روودەدات، دەستبەجێ مەفرەزەکانمان لە بەڕێوەبەرایەتی ئاسایشی هەولێر گەیشتنە شوێنی رووداوەکە، تەقەکەران کە پێکهاتبوون لە هەشت کەس دەستگیرکران و پەڕاوی لێکۆڵینەوەیان بۆ کرایەوە بە مەبەستی وەرگرتنی رێکارە یاساییەکان.