فۆتۆ: بەڕێوەبەرایەتی كارەبای سلێمانی
تاڵه‌بان له بێ كاره‌بایی رزگاری ده‌بێت
964+
ئه‌رسه‌لان عه‌بدولأ
به‌ڕێوه‌به‌رایه‌تیی گشتیی كاره‌بای سلێمانی رایگه‌یاند، كاره‌بای نیشتمانی ده‌گه‌یه‌ننه گوندی تاڵه‌بان.
بەڕێوەبەرایەتییه‌كه ئه‌مڕۆ دووشه‌ممه 3.4.2023 له فه‌یسبووكی خۆیان بڵاویان كرده‌وه، بە سەرپەرشتى بەڕێوەبەرایەتیى دابه‌شكردنی كاره‌بای چه‌مچه‌ماڵ و لەسەر بودجەی داهاتی (8%)ی کارەبا، بە بڕى زیاتر له 200 ملیۆن دینار كاره‌بای نیشتمانی ده‌گه‌یه‌نرێته گوندێك له چه‌مچه‌ماڵ.
هه‌روه‌ها روونیان كردووه‌ته‌وه، پرۆژه‌كه بریتییه له گه‌یاندنی هێڵی كاره‌بای نیشتمانی بۆ گوندی تاڵه‌بان له سنووری به‌ڕێوه‌به‌رایه‌یتی دابه‌شكردنی كاره‌بای چه‌مچه‌ماڵ.
به‌ڕێوه‌به‌رایه‌تییه‌كه ئاشكرای كردووه، كۆی گشتی پرۆژه‌كه بریتییه له دووسه‌د ملیۆن و سێسه‌دوبیست و دوو هه‌زار دینار، كه له لایه‌ن كۆمپانیایه‌كی كه‌رتی تایبه‌ت جێبه‌جێ ده‌كرێت و بڕیاره له ماوه‌ی (75) رۆژدا كاره‌كانی ته‌واو بكرێت.