سێ یاریی وەرزشیی دەکات
هه‌ڵمه‌ت عادل، كریستیانۆ رۆناڵدۆیه‌كه‌ی گه‌رمیان
964+
هونه‌ر فارس – كه‌لار
هه‌ڵمه‌ت عادل یاریزانی تۆپی پێی یانه‌ی شێروانه، له‌گه‌ڵ ئه‌وه‌ی ته‌مه‌نیشی گه‌وره‌یه، به‌ڵام له یاریكردن به‌رده‌وامه و ئاستێكی باش پێشكه‌ش ده‌كات.
ئه‌وه‌ی هه‌ڵمه‌ت له ته‌واوی یاریزانانی خوله‌كانی كوردستان جیاده‌كاته‌وه، جه‌سته و له‌شولاریه‌تی، كه فیتنسێكی زۆر جوانه و ماسوولكه‌كانی سه‌رنجت راده‌كێشن.
هه‌ڵمه‌ت به كریستیانۆ رۆناڵدۆی كه‌لار ناسراوه به هۆی جوانیی جه‌سته‌یه‌وه، ئه‌مه جگه له‌وه‌ی ته‌مه‌نیشی له رۆناڵدۆ نزیكه و وه‌ك ئه‌ویش له یاریكردن به‌رده‌وامه.
هه‌ڵمه‌ت هه‌روه‌ها جگه له تۆپی پێ، یاریزانی گۆڕه‌پان و مه‌یدانه و هاوینانیش كه خولی كوردستان ده‌وه‌ستێت، له هۆڵه‌كان یاریی له‌شجوانی ده‌كات.
پێداچوونه‌وه: ئه‌رسه‌لان عه‌بدوڵا