ئاسایشی بیارە حەوت گەشتیاری بە تۆمەتی ئاگرکەوتنەوە دەستگیرکرد

فەرهاد حەسەن

بەڕێوبەرایەتی پۆلیسی دارسـتان و ژینگەی هەڵەبجە دەڵێت حەوت هاوڵاتی بە رەگەز عەرەب لە بیارە دەستگیرکراون و تۆمەتەکەشیان ئەوەیە هۆکاری ئاگرکەوتنەوەیەک بوونە.

ئاماژە بەوە کراوە، بنکەی پۆلیسی ژینگەی بیارە توانیان ئەو ئاگرەی دوای نیوڕۆی ئەمڕۆ لە گوندی زەردەهاڵ کرابویەوە بەهاوکاری هاوڵاتیانی گوندەکە کۆنترۆل بکەن و دوای گەڕان و بەدواداچوون توانرا بە هاوکاری بنکەی ئاسایشی بیارە حەوت هاوڵاتی بە رەگەز عەرەب دەستگیر بکەن.

دەڵێت، دەستگیرکردنی ئەو هاوڵاتیانە بە فەرمانی دادوەری لێکۆڵینەوەی هەڵەبجە ئەنجامدراوە، چونکە هۆکاری کەوتنەوەی ئەو ئاگرە بوونە و پەڕاوی لێکۆلینەوەشیان بۆ کراوەتەوە.