کەڵکیان نەماوە
عامودا؛ شارێک شەقامەکانى چاویان لە ئاوڕدانەوەیە
964+
گەرناس مەعۆ
دانیشتووانی شاری عامودا ناڕەزایەتی دەردەبڕن بەرامبەر خراپیی رێگاوبانەکان و لاوازیی خزمەتگوزارییەکانی ژێرخان لە شارەکەدا، لە 964ـەوە داوا دەکەن، ئاوڕێک لە شەقام و کۆڵانەکانیان بدرێتەوە.
بەپێى قسەى هاوڵاتیانى شارەکە و ئەو دیمەنانەى 964 تۆمارى کردووە، زۆربەی شەقامە سەرەکی و لاوەکییەکانی شارەکە تێکچوون و پڕن لە چاڵ و چۆڵ، ئەمەش بووەتە هۆی دروستبوونی ئاستەنگی هاتووچۆ، بەتایبەت لە وەرزى بارانبارین کە قوڕ و چڵپاوێکى زۆر لەسەر شەقامەکان کۆدەبێتەوە.
ژمارەیەک لە دانیشتوانى شارەکە، داوا لە لایەنە پەیوەندیدارەکان و شارەوانی دەکەن بە زووترین کات دەست بە نۆژەنکردنەوەی شەقامەکان و چاککردنی ژێرخانی شارەکە بکەن، بەتایبەت ئەو رێگایانەی کە دەچنەوە سەر ناوەندە خزمەتگوزاری و تەندروستییەکان.
پێداچوونەوە: وریا فەتاح
