تەرمی هاوڵاتییەك لەناو پاسەكەیدا دۆزرایەوە

964+

ئەحمەد محەمەد – سلێمانی

لەناوچەی شارباژێڕ سەربە پارێزگای سلێمانی تەرمی هاوڵاتییەك لەناو پاسەكەیدا دۆزرایەوە.

ئاری لەتیف وتەبێژی پۆلیسی سلێمانی بە 964ـی وت، “دەمەو ئێوارەی ئەمڕۆ بە رووداوەكە زانراوە و بەدیاریكراوی لە نێوان گوندی بناویلە و شارستێن لە نزیك ناحیەی سیتەك روویداوە، هاوڵاتییەکە خەڵكی عەربەتە، تەمەنی 40 ساڵە و سایەقی هێڵی سەرچنار بووە”.

ئاماژەی بەوەشکرد، تا ئێستا هۆکاری رووداوەکە بەوردی نەزانراوە، پەڕاوی لێکۆڵینەوەی بۆ کراوەتەوە و تەرمەکەشی رەوانەی پزیشیکی دادی سلێمانی کراوە.

پێداچوونەوە؛ شۆڕش قادری

سێ تەرم لە پزیشکى دادى سلێمانیین

تەرمی ئەو کەسانەی لە رووداوەکەی چەمی رێزان گیانیان لەدەستدا لە پزیشکی دادی سلێمانین