دوو قاسەی مزگەوت و گەراجێکیان بڕی؛ دەستگیر کران

964+

شۆڕش قادری

بەتۆمەتی بڕینی دووقاسە لە مزگەوت و گەراجێکی وەستانی ئۆتۆمبێل لە هەڵەبجە چوار مێردمنداڵی بەنەتەوە عەرەب دەستگیر کران.

بەپێی راگەیەنراوێکی بەڕێوەبەرایەتی پۆلیسی پارێزگای هەڵەبجە، چوار تۆمەتبار بەناوەکانی (م، ح، ر) تەمەن 18 ساڵ و (ا، و، ع) تەمەن 16 ساڵ و (ع، س، ج) تەمەن 16 ساڵ و (ع، م، ع) تەمەن 13 ساڵ لەلایەن بەشی پۆلیسی نەهێشتنی تاوانی سەربە بەڕێوەبەرایەتییەکە دەستگیر کراون.

ئەو چوار مێردمنداڵە بەنەتەوە عەربن و هەستاون بە دزیکردن لە سندوقی خێری لە مزگەوتێک لە ناوشاری هەڵەبجە و هاوکات قاسەی گەراجێکی وەستانی ئۆتۆمبێلیشیان بڕیوە و پارەکانی ناویان بردووە.

تۆمەتباران لە بەردەم دادوەری لێکۆڵینەوە دانیان بە تاوانەکەیاندا ناوە و بەپێی ماددەی یاسایی 443 راگیراون و لێکۆڵینەوە لەگەڵیان بەردەوامە، دوو کەسیان چەندین پێشینەی تاوانی دیکەیان هەیە.

سێ ژن بە تۆمەتی دزینی ئۆتۆمبێلێک دەستگیرکران

لە رۆژانی فێستیڤاڵی هەنار و پاییزی هەڵەبجە دوو ماتۆڕیان دزی