بیناى بەڕێوەبەرایەتى هاتوچۆى راپەڕین
تابلۆى ئۆتۆمبێل
هاتووچۆی سلێمانی مۆڵەتێکی 30 رۆژی دەداتە داواکارانى ژمارە دڵخوازەکان
964+
وریا فەتاح
بەڕێوەبەرایەتی هاتووچۆی پارێزگای سلێمانی ئاگادارییەکی بەپەلە و گرنگی ئاراستەی ئەو هاوڵاتییانە کرد کە ژمارەی تابلۆی دڵخوازیان داواکردووە یان کڕیوە و تا ئێستا رێکارە یاسایی و داراییەکانیان تەواو نەکردووە.
بەپێی ئاگادارییەکە، ئەو کەسانەی ژمارەی دڵخوازیان داواکردووە و تا ئێستا رسووماتی تابلۆکەیان نەداوە کە بڕەکەی 2,000,000 (دوو ملیۆن) دینارە، پێویستە لە ماوەی 30 رۆژدا و لە رێکەوتی 15.3.2026 تاوەکو 14.4.2026 سەردانی بەشی IT بکەن بۆ پێدانی رسووماتەکە، بە پێچەوانەوە ژمارەکان دەخرێنەوە ناو سیستەم و بە هاوڵاتییانی دیکە دەفرۆشرێن.
هەروەها ئەو هاوڵاتییانەی پێشتر ژمارەی دڵخوازیان کڕیوە و تا ئێستا نەیانخستووەتە سەر ئۆتۆمبێلەکانیان، پێویستە لە هەمان وادەی دیاریکراودا سەردانی بەڕێوەبەرایەتی هاتووچۆ بکەن بە مەبەستی وردبینیکردنی مامەڵەکانیان، بۆ ئەوەی مافی خاوەندارێتییان نەفەوتێت..
