ئاوە زوڵاڵ و خاوێنەکەی ریشێن هاژەی دێ
لە کەشێکی باراناویدا هاوڵاتیان گەشت و سەیرانی خۆیان دەکەن
964+
ئەمەل ناجی – هەڵەبجە
ئاوە زوڵاڵ و خاوێنەکەی ریشێن لە پارێزگای هەڵەبجە هاژەی دێ و لە کەشێکی باراناویدا دیمەنێکی دڵڕفێنی بە ناوچەکە بەخشیوە.
سەرەڕای باران و سەرما، لەم رۆژە بەهاریانەدا هاوڵاتیان و گەشتیارێکی زۆر دەچنە شوێنەکە و ساتێکی خۆش بەڕێدەکەن، چەند کاسبکارێکیش هەلەکەیان قۆستووەتەوە و بازاڕێکیان بۆ خۆیان کردووەتەوە.
شەهێن غەریب لەگەڵ هاوسەرەکەی عارەبانەیەکی داناوە و شیرینی و خواردنەوەی گەرم وەک چا و قاوە بە گەشتیاران دەفرۆشن، ئەو دەڵێت، “زیاتر بەشداری فێستیڤاڵەکان دەکەیەن، بەڵام هەر شوێنێک قەرەباڵغ بێت و خەڵکی بۆی بچێت، دەچێن و کەسابەتی خۆمان دەکەین”.
ئاماژەی بەوەشکرد، هەفتەیەکە چوونەتە لای سەرچاوی ئاوی ریشێن و سەرەڕای ئەوەی بەردەوام باران دەبارێت و کەشێکی باراناوییە، بەڵام خەڵکێکی زۆر روو لە شوێنەکە دەکات.
پێداچوونەوە؛ شۆڕش قادری
