"لەکاتی نانخواردنی بەیانی دیوارەکە هاتەخوار"
خانووی هاوڵاتییەکی کرێچی بەرلافاو کەوت و بەشێکی ئاو بردی
964+
ئەحمەد شەمزین – هەولێر
لە گەڕەكی قەتەوی هەولێر لەسەر رێگای مەخمور، خانووی هاوڵاتییەک بەرلافاو کەوتووە و لەکاتی نانخواردن بەیانی، بەشێک لە دیواری ماڵەکە داڕماوە و ئاو بردوویەتی.
ئەرسەلان عەبدوڵا خاوەنی ماڵەکە قسەی بۆ 964 کردووە و دەڵێت، “ئەمە دووەمین جارە لافاو لێی بدات، خەریكی نان خواردنی بەیانی بووین، دیوارەکە هەمووی هاتەخوار و داڕما، بەڵام شکور بۆ خوا رۆژ بوو و شەو نەبوو و زیانی گیانی لێ نەکەوتەوە”.
ئاماژەی بەوەشکرد، خانووەکە هی خۆی نییە و کرێیە، لە ئێستاشدا کەڵکی ژیانی نەماوە.
پێداچوونەوە؛ شۆڕش قادری
لە زاخۆ لافاو زیانی بە ژمارەیەک ئۆتۆمبێل و خانوو گەیاند
