بارانی راپەڕین و هەڵەبجە هەزار ملمی تێپەڕاند

964+

ژێوار خدر

شەپۆلی بارانبارین لە سنووری ئیدارەی راپەڕین و پارێزگای هەڵەبجە بەردەوامی هەیە و کۆی گشتی بڕی بارانی ئەمساڵ لە زۆربەی ناوچەکان گەیشتووەتە نزیکەی 1000 ملم، بەڕێوەبەرایەتییەکانی کشتوکاڵی هەڵەبجە و راپەڕینیش دەڵێن “ئەمساڵ بارانبارین بەراورد بە ساڵی رابردوو دوو هێندە زیادی کردووە”.

بەڕێوەبەرایەتی گشتی کشتوکاڵی راپەڕین ئامارەکانی بارانی 24 کاتژمێری رابردووی بڵاوکردووەتەوە و تێیدا هاتووە، بڕی بارانبارینی ئەمساڵ بەراورد بە ساڵی رابردوو زیادبوونێکی یەکجار زۆری بەخۆیەوە بینیوە، بە شێوەیەک جیاوازی باران لە سەروچاوە 942.4 ملم و لە قەڵادزێ 880.5 ملم و لە رانیە 830.8 ملم زیاترە لە ساڵی رابردوو، کۆی گشتی بارانبارین تاوەکو ئێستا لە قەڵادزێ گەیشتووەتە 1127 ملم و لە رانیە 999.8 ملم، هەروەها تەنیا لە 24 کاتژمێری رابردووشدا لە چوارقوڕنە 36 ملم بارانی نوێ تۆمارکراوە.

لە سنووری پارێزگای هەڵەبجەش، کۆی گشتی بارانبارین لە تەوێڵە گەیشتووەتە 957.9 ملم و لە بیارە 924 ملم و لە سەنتەری هەڵەبجە 857 ملم، ئەمەش لە کاتێکدایە ساڵی رابردوو تاوەکو ئەم کاتە لە سەنتەری هەڵەبجە تەنها 353.1 ملم باریبوو. داتاکان نیشانی دەدەن کە ئەمساڵ لە هەموو ناوچەکانی راپەڕین و هەڵەبجە بارانبارین گەیشتووەتە ئاستێکی زۆر بەرز و جیاوازییەکە لەگەڵ ساڵی رابردوو لە زۆربەی شوێنەکان گەیشتووەتە زیاتر لە 500 ملم باران.

لە 12 کاتژمێری رابردوودا زۆرترین رێژەی باران بارین لە سلێمانی بووە