بە 38.8 ملیمەتر؛ زۆرترین بارانى 24 کاتژمێرى رابردوو لە کەلار باریوە

964+

وریا فەتاح

بەڕێوەبەرایەتی گشتی کەشناسی و بوومەلەرزەزانی هەرێمی کوردستان، ئاماری بارانبارینی 24 کاتژمێری رابردووی لە ناوچە جیاجیاکانی هەرێم بڵاوکردەوە. بەپێی داتاکان، شەپۆلێکی بارانبارینی سەرتاسەری زۆربەی ناوچەکانی گرتووەتەوە و سنووری پارێزگای کەرکوک و دهۆک پشکی شێریان بەرکەوتووە.

بەپێی خشتەکە، قەزای کەلار بە تۆمارکردنی 38.8 ملم باران، پلەی یەکەمی لەسەر ئاستی تەواوی ناوچەکانی هەرێمی کوردستان گرتووە و زۆرترین رێژەی بارانبارینی لێ تۆمارکراوە.

پلەکانی دووەم و سێیەم بۆ سنووری دهۆک بووە:

پلەی دووەم: جمانکی بە 35.0 ملم.
پلەی سێیەم: زاوێتە بە 33.0 ملم.
تێکڕای بارانبارین لە سەنتەری پارێزگاکان:

هەولێر: 27.4 ملم
دهۆک: 20.7 ملم
هەڵەبجە: 16.4 ملم
سلێمانی: 12.0 ملم
کەرکوک: 20.7 ملم
کورتەی بارانبارینی ناوچە جیاوازەکان (بە ملم):

لە سنووری هەولێر: هیران (25.5) و نازەنین (21.8) زۆرترین بارانیان لێ باریوە.
لە سنووری سلێمانی: بەرزنجە (25.8) و بازیان (18.0) لە پێشەوەی ناوچەکانی دیکەن.
لە سنووری دهۆک: جمانکی (35.0)، زاوێتە (33.0) و سیمێل (30.4) بارانێکی زۆریان لێ باریوە.
لە سنووری کەرکوک و گەرمیان: کەلار (38.8) و خانەقین (32.3) بەرزترین ڕێژەیان تۆمارکردووە.
لە سنووری هەڵەبجە: بیارە (16.0) و تەوێڵە (15.0) دوای سەنتەری پارێزگاکە دێن.

هۆشدارییە؛ بارانێکى زۆر لەڕێیە و گەرمیان پشکى شێرى بەردەکەوێت