رێگەی گەیشتەن بە داقوق
لە داقوق بۆمبێک لە پێش ماڵی بەرپرسێک تەقییەوە
“پۆلیسێک گیانی لەدەست دا و سێ کەسی دیکەش بریندارن”
+964
سیروان خورشید – خورماتوو
بەیانیی ئەمڕۆ چوارشهممه 25.3.2026 لە پێش ماڵی بەرپرسێکی حەشدی شەعبی لە گەڕەکی زەهرا لە قەزای داقوق، بۆمبێکی چێندراو تەقییەوە و پۆلیسێک گیانی لەدەست دا و بەرپرسەکە و دوو کەسی دیکەش بریندار بوون.
سەرچاوەیەک لە پۆلیسی داقوق بە964ـی وت، “کاتژمێر 8:00ـی بەیانی ئەمڕۆ لەلایەن چەند کرێکارێکی گەڕەکی زەهرا ئاگادار کراینەوە لە بوونی بۆمبێکی چێندراو لە پێش ماڵی بەرپرسێکی حەشدی شەعبی، دوای گەیشتنمان بە شوێنی رووداوەکە و پێش پووچەڵکردنەوەی، بۆمبەکە تەقییەوە.
وتیشی، بەهۆی نزیکبوونەوەمان لە بۆمبەکە بۆ ئەوەی پوچەڵی بکەینەوە، بۆمبەکە تەقییەوە و بەهۆیەشەوە پۆلیسێک دەستبەجێ گیانی لەدەست دا و خاوەنی ماڵەکە کە بەرپرسێکی حەشدی شەعبییە، لەگەڵ پاسەوانێکی و کرێکارێکی نزیک لە رووداوەکە بریندار بوون، ئێستاش لێکوڵینەوە دەستیپێکردووه.
سەمیر جاسم، بەڕێوەبەری نەخۆشخانەی داقوق بە 964ـی وت، “تەرمی پۆلیسەکە بۆ توێکاری پزیشکی رەوانەی نەخۆشخانەی ئازادی کەرکوک دەکرێت و سێ بریندارەکەی دیکەش لە ژێر چاودێریی پزیشکدان.
پێداچوونهوه: ئهرسهلان عهبدوڵا
