زیانی گیانی نەبوو
تەنێک لە گەڕەکێکی هەولێر کەوتە خوارەوە و زیانی بە هاوڵاتیان گەیاند
964+
عەبدولعەزیز خالند
ئەم ئێوارەیە دوای بەربانگ، دەنگێکی گەورە لە گەڕەکی ئازادی لە هەولێر بیسترا و دەرکەوت تەنێک، کە پێدەچێت پارچە درۆنی تێکشکاو بێت، لە یەکێک لە گەڕەکەکانی هەولێر و نزیک شوێنی کاروکاسبی هاوڵاتیان کەوتەوە خوارەوە.
شایەتحاڵێک بۆ 964 قسەی کرد و رایگەیاند، ئەوان خەریکی کاری خۆیان بوون، لەناکاو دەنگێکی بەهێزیان گوێ لێبوو.
وتیشی، بەرد و دەنگی بەهێز بووە هۆی شکاندنی جامخانەی دوکانەکانیان و هەروەها زیانی بە شووشەی چەند ئۆتۆمبێلێکیش گەیاندووە، بەڵام باش بوو زیانی گیانی نەبوو.
964 بەهۆی پابەندبوون بە رێنمایی دەزگا ئەمنییەکان، شوێنی کەوتنی تەنەکە بڵاوناکاتەوە، کە ئاگریشی لێکەوتووەتەوە.
پێداچوونەوە: ئەرسەلان عەبدوڵا
