دوو سەربازى تر بێسەروشوێنن
سێنتکۆم: لە رۆژئاوای عێراق فڕۆکەیەکی ئەمریکی کەوتە خوارەوە و 4 سەرباز گیانیان لەدەستدا
964+
وریا فەتاح
فەرماندەیی ناوەندیی هێزەکانی ئەمریکا (سێنتکۆم) گیانلەدەستدانی چوار سەربازی وڵاتەکەی لە ئەنجامی کەوتنەخوارەوەی فڕۆکەیەکی سووتەمەنی لە جۆری (KC-135) لە رۆژئاوای عێراق راگەیاند.
وردەکارییەکان:
کاتی رووداوەکە: کاژێر 9:00ـی شەوی رابردوو (پێنجشەممە) بووە.
زیانە گیانییەکان: لە کۆی 6 سەرنشین، 4یان گیانیان لەدەستداوە و گەڕان بەدوای دووەکەى دیکەدا بەردەوامە.
هۆکاری کەوتنەکە: سێنتکۆم دەڵێت، بەهۆی “هێرشی دوژمنکارانە” یان “تەقەی هەڵە”ى دۆستەکانمان نەبووە و لێکۆڵینەوە دەستیپێکردووە.
فڕۆکەی دووەم: لە رووداوەکەدا دوو فڕۆکە هەبوون، یەکیان کەوتووەتە خوارەوە و ئەوەی دیکەیان بە سەلامەتی نیشتووەتەوە.
فڕۆکەی KC-135 ئەرکی دابینکردنی سووتەمەنییە بۆ فڕۆکە جەنگییەکان لە ئاسماندا؛ ئەم رووداوە لە کاتێکدایە کە جموجۆڵە ئاسمانییەکانی ئەمریکا لە ناوچەکە بەهۆی گرژییەکانی ئێرانەوە گەیشتووەتە ئەوپەڕی.
