"ژنانی کرێکار ئیستغلال دەکرێن"
لە 8ـی مارسدا رێپێوان و چەند چالاکییەک لە سلێمانی بەڕێوەچوو
964+
دیلان محەمەدجەزا – سلێمانی
بەبۆنەی هەشتی مارسەوە ژمارەیەک چالاکوانی بواری ژنان رێپێوانێکیان لە شاری سلێمانی رێکخست و چەند چالاکییەکیش ئەنجامدرا.
لە رێپێوانەکەدا دروشمەکانی “ژن، ژیان، ئازادی” و “شۆڕشی کەزی، شۆڕشی ژنە، دژ بەستەم و پشت لە مردنە” وترانەوەوە، بەهار مونزیر چالاکوانی بواری ژنان بە 964ـی وت، “ئەمڕۆ بەدوو بڕیارنامەی تۆڕی هەشتی مارسەوە چالاکییەکانمان ئەنجامداوە کە یەکێکیان لەسەر کوشتنی ژنان و ئەوەی دیکەشیان لەسەر خراپی وەزعی ژنی کرێکار بووە”.
“ژنانی کرێکار لە هەندێک لە کۆمپانیا ئەهلییەکان ئیستغلال دەکرێن و پارەیەکی رەمزی کەمیان پێدەدرێت، ئێمە دژی ئەوەین و بەڕاستی کاری لەسەر دەکەین”، بەهار مونزیر وای وت.
ئاماژەی بەوەشکرد، لە 25ـی نۆڤەمبەری ساڵی رابردوو ئامارێکیان لەسەر ژمارەی کوشتنی ژنان بڵاوکردووەتەوە کە 53 کەس بوون و لەو کاتەوە تا ئێستا بووە بە 63 ژن.
پێداچوونەوە؛ شۆڕش قادری
ژنان لە سلێمانی داوا دەكەن چیتر لە ژێر ناوی شەرەف نەكوژرێن
