پرۆژەیەکی شارەوانییە
بەیەک کلیک ھەر زانیاریەکت لەسەر کەلار ویست دێتە بەردەست
964+
میلاد جەلال – گەرمیان
شارەوانی قەزای کەلار پرۆژەیەکی نوێی راگەیاندوە، لەرێگەی سکانکردنی ژمارەیەک بارکۆد، زانیاریت لەسەر ھەر فەرمانگە و جێگایەکی کەلار بوێت پێتدەدات.
دلێر حوسێن، بەرپرسی بەشی پرۆژەکانی شارەوانی کەلار بە 964ى وت،”ماوەی دوو ساڵە خەریکی ئەم پرۆژەیەین، لەرێگەی 17 بارکۆدەوە زانیاری و ناونیشانی فەرمانگە و سێکتەرە جیاوازەکانی شاری کەلار وەردەگریت”.
“پرۆژەکە دوو بەشە، بەشێکیان پێشتر رامانگەیاندبوو لەرێگەی ئۆنلاینەوە دەتوانی شەقام و شوێنە گەشتیاریەکانی کەلار ببینیت، بەشی دووەمیشیان ئەمەیە کە تازە رامانگەیاندووە”،دلێر حوسێن وای وت.
ئاماژەی بەوەش کرد، ئەو کەسانەی کە توێژینەوەیان ھەیە دەتوانن سود لە پرۆژەکە وەرگرن، بەشێوەی ئۆنلاین ھەموو داتا و زانیاریەکیان لەسەر پرۆژە و جێگاکانی کەلار دێتە بەردەست.
پێداچوونەوە: توانا نەقی
