ئاگرهكهی نهخۆشخانهی ئیبن روشد له بهغدا كۆنتڕۆڵ كرا
نهخۆشخانهی دهروونییه
ئاگرهكهی نهخۆشخانهی ئیبن روشد له بهغدا كۆنتڕۆڵ كرا
964+
ئهرسهلان عهبدوڵا
بەڕێوەبەرایەتیی بەرگریی شارستانیی بهغدا ئەمڕۆ دووشەممە رایگەیاند، ئهو ئاگرهیان کۆنتڕۆڵ کرد، کە لە ناو نەخۆشخانەی ئیبن روشد لە بەغدا كهوتهوه و هیچ زیانێكی گیانی نهبوو.
بهڕێوهبهرایهتییهكه له راگەیەندراوێکدا دهڵێن، تیمەکانی بەرگریی شارستانی بە سەرکەوتوویی ئاگرێکیان کۆنتڕۆڵ كرد، كه لەناو نەخۆشخانەی دەروونیی ئیبن روشد لە بەغدا كهوتهوه و به ماوەیهكی پێوانەیی و بە پیشەیی بەرز، هاوکات لە هەمان کاتدا پرۆسهی رزگارکردن و چۆڵکردنی نهخۆشخانهكهیان ئهنجام دا و ههموو نهخۆشهكانیان بردووهته دهرهوه بهبێ ئهوهی هیچ زیانێكی گیانی ههبێت و تهنانهت هیچ كهسێك بریندار نهبوو.
له راگەیەندراوەکەدا ئاماژە بەوە کراوە کە بەرگریی شارستانی داوای لێکۆڵینەوەی کردووە و بانگهێشتی شارهزایانی بهڵگهی تاوانی كردووه بۆ ئهوهی هۆکاری ئاگرکەوتنەوەکە، بەپێی رێکارە یاساییە دامەزراوەکان دیاریی بكهن.
