بارانی ئەمشەو بەنداوێکی سەرڕێژ کرد

964+
هونەر فارس – دەربەندیخان

بەنداوی دێوانە لە دەربەندیخان سەرڕێژ بووە، بەڵام هیچ مەترسییەکی نییە، بە وتەی بەرپرسی بەنداوەکە.

دوای ئەو شەپۆلە باران بارینەی ئێوارەی ئەمڕۆ هەرێمی کوردستان و سنووری گەرمیانی گرتەوە، ئاو لە بەشێک لە چەم و دۆڵەکان بەرزبووەوە و سەدی دێوانەش سەرڕێژ بوو.

بۆ دڵنایی هاوڵاتیان، پەیامنێری 964 پەیوەندی بە جەمال شێخ محەمەد بەرپرسی بەنداوی دێوانە کرد، ئەو جەختی لە سەرڕێژبوونی بەنداوەکە کردەوە و وتی، “30 سانتیم ئاوی بەنداوەکە سەرڕێژ بووە”.

دڵنیایشی دا بە هاوڵاتیان کە هیچ مەترسیەک لەسەر بەنداوەکە نییە.

بەنداوی دێوانە دەکەوێتە تەنیشت قەزای دەربەندیخانەوە و 43 مەتر بەرزیەکەیەتی و 19 ملیۆن مەتر سێجا ئاو لەخۆدەگرێت.