"لە هەر شوێنێک زوڵم لە کورد بکرێ، ئێمە لەوێ حازر دەبین"
گەنجانی خۆبەخشی عامودا خۆیان بەستووە و شارەکەیان دەپارێزن
964+
توانا نەقی – عامودا
گەنجانی خۆبەخشی عامودا لە رۆژئاوای کوردستان بەم نیوەشەوە خۆیان بەستووە و تا بەرەبەیان پارێزگاری لە شارەکەیان دەکەن.
ئەو گەنجانە دابەشبوون بەسەر چەند گروپێکدا و لە گەڕەکەکانی عامودا بڵاوەیان پێکراوە، چەند کەسێکیان قسەیان بۆ مایکی 964 کردووە و دەڵێن، “پشتیوانی لە هێزە ئەمنییەکانی خۆمان دەکەین و لە هەر شوێنێک زوڵم لە کورد بکرێ، ئێمە لەوێ حازر دەبین”.
ئاماژەیان بەوەشکرد، شەوانە تا کاتژمێر 7ـی بەرەبەیان لە دەرەوە دەمێننەوە و پارێزگاری لە خەڵک و شاری خۆیان دەکەن.
ئەو گەنجانە سوپاسی خەڵکی باشور و هەموو پارچەکانی دیکەی کوردستان دەکەن و داواش دەکەن، لەم کاتەدا پشتی یەکتر بگرن و زیاتر لە هەموو کاتێکی تر یەکگرتوو بن.
پێداچوونەوە؛ شۆڕش قادری
تیمی 964 گەیشتە رۆژئاوای کوردستان و نوێترین زانیارییەکانتان پێدەڵێت
