رێگاکانی دۆڵەمیران و ئەزمەڕ و سەرکەوتن بەرەو شاخی گۆیژە لە سلێمانی داخران – وێنە؛ شارەوانی سلێمانی
بەفر و بەستەڵەکە
رێگاکانی دۆڵەمیران و ئەزمەڕ و شاخی گۆیژە لە سلێمانی داخران
964+
شۆڕش قادری
بەهۆی بەفر و بەستەڵەکەوە، رێگاکانی دۆڵەمیران و ئەزمەڕ و سەرکەوتن بەرەو شاخی گۆیژە لە سلێمانی داخران.
سەرۆکایەتیی شارەوانیی سلێمانی لە راگەیەنراوێکدا دەڵێت، “بەهۆی ئەو شەپۆلە بەفرەی رووی لە هەرێمی کوردستان بەگشتیی و پارێزگای سلێمانی بەتایبەت کردووە، تیمەکانمان بە هاوئاهەنگی بەڕێوەبەرایەتیی پۆلیسی هاتوچۆی سلێمانی دەستیانکردووە بە بەربەستکردنی شەقامی دۆڵەمیران و ئەزمەڕ و سەرکەوتن بەرەو شاخی گۆیژە”.
ئاماژە بەوەشکراوە، ئەو کارە لەپێناو پاراستنی گیانی هاوڵاتیان و شۆفێران، ئەنجامدراوە.
شارەوانی سلێمانی داوا لە شۆفێران و هاوڵاتیان دەکات، روو لەو رێگایانە نەکەن و بۆ کاری زۆر پێویست، دەتوانن شەقامی جێگرەوە بەکاربهێنن وەک شەقامی تونێلی پێشرەو.
هاتوچۆی سلێمانی: رێگای ئەزمەڕ و گۆیژە بەربەست کرا
