فڕۆکەیەکی هێڵی ئاسمانی عێراقی _ وێنە: Iraqi Airways
بەڵام بەڕۆژ
گەشتە ئاسمانییەکانی تورکیا بۆ عێراق بەردەوامن
964+
وریا فەتاح
وەزارەتی گواستنەوەی عێراق رایگەیاند، گەشتە ئاسمانییەکانی نێوان عێراق و تورکیا بە رێکی بەردەوامن، بەڵام گۆڕانکاری لە کاتی گەشتەکانی کۆمپانیا تورکییەکاندا کراوە و گەشتە شەوانەکانیان نەماون.
مەیسەم سافی، وتەبێژی وەزارەتی گواستنەوەى عێراق رایگەیاند:گەشتەکانی کۆمپانیا تورکییەکان لە کاتی “شەو”ـەوە گواستراونەتەوە بۆ کاتی “رۆژ”.
دەشڵێت: ئەم بڕیارە وەک رێکارێکی “کاتی” وەرگیراوە و هاوشێوەی کۆمپانیاکانی تری فڕۆکەوانی لێهاتووە.
روونیشى کردووەتەوە کە گەشتەکانی کۆمپانیا عێراقییەکان هیچ گۆڕانکارییان تێدا نەکراوە و بە هەمان شێوەی پێشوو، بە شەو و بە رۆژ بەردەوامن.
ئەم بڕیارە لەکاتێکدایە کە ئاڵۆزییە ئەمنییەکانی ناوچەکە کاریگەرییان لەسەر کاتی گەشتە ئاسمانییەکان دروست کردووە.
