دیمەنی هاتوچۆی چەند بارهەڵگرێک لە دەروازەی نێودەوڵەتی حاجی ئۆمەران - وێنە: ماڵپەڕی دەروازەی نێودەوڵەتی حاجی ئۆمەران
كەشوهەوا نالەبارە
دەروازەی حاجی ئۆمەران: ئەگەر زۆر ناچار نەبوون سەردانمان مەكەن
964+
ئەرسەلان عەبدوڵا
راگەیاندن و پەیوەندییەکانی دەروازەی نێودەوڵەتیی حاجی ئۆمەران ئاگاداری هاوڵاتیان و گەشتیارانی كوردستان و ئێرانیش دەكات، ئەگەر زۆر پێویست و ناچار نەبوون، سەردانی دەروازە نەكەن و رەوشی كەشوهەوا نالەبارە.
دەروازەكە لە راگەیاندراوێكدا ئەمڕۆ چوارشەممە 14.1.2026 دەڵێن، بەهۆی هاتنی بەفرێکی زۆر و بەردەوامیی بارینی بەفر و سەختی رێگاکان و نالەباریی کەشوهەوا، داوا لە تەواوی گەشتیاران و هاوڵاتیانی هەرێمی کوردستان و عێراق و ئیران دەکەینەوە، ئەگەر زۆر ناچار نەبن بۆ هاتوچۆ سەردانی دەروازەکە نەکەن.
هەروەها دەڵێن، لە باشتربوونی هاتوچۆ و رێگاکان دواتر ئاگادارتان دەکەینەوە.
ئەمڕۆ لە سنووری ناحیەی حاجی ئۆمەران و قەزای چۆمان بەهۆی سەرما و بەفروبارانەوە كراوە بە پشووی فەرمی و قوتابخانە و فەرمانگەكان داخراون.
