دەست بە ئاوەوە بگرن
چاککردنەوەى بۆرى ئیفراز3؛ تا 24 کاتژمێر ئاو نایەتەوە
964+
وریا فەتاح
لە کاتژمێر 8:35 خولەکى بەیانى ئەمڕۆوە، بۆرى ئاوى ئیفراز3ـى هەولێر شکاوە، لە ئێستادا تیمەکان سەرقاڵى چاککردنەوەین، بەڵام 16 کاتژمێرى پێویستە تا چاک دەکرێتەوە.
ئەندازیار بێستون یاسین، سەرپەرشتیارى چاککردنى و بۆرى ئیفراز3 بە 964ـى وت،”لە دوانیوەڕۆوە دەستمان کردووە بە چاککردنەوەى بۆرییەکە، 12 تا 16 کاتژمێرى پێویستە و تا 24 کاتژمێر ئاو نادرێت بەو گەڕەک و ماڵانەى لەسەر بۆرییەکەن”.
وتیشى،”هۆکارى شکانى بۆرییەکە کۆنییەتى و چیتر تواناى بەرگە گرتنى نییە و بەشى زۆرى گۆڕاوە و ئەوەى تریش دەگۆڕێت”.
پێداچوونەوە: وریا فەتاح
