کشانەوەى هێزەکانى ئاسایشى ناوخۆ لە شێخ مەقسودەوە بۆ باکور و رۆژهەڵاتى سوریا
بەرەو باکووری رۆژهەڵاتی سووریا بەڕێدەکەون
رۆیتەرز: هەسەدە لە شێخ مەقسود و ئەشرەفییە دەکشێتەوە
964+
وریا فەتاح
ئاژانسی هەواڵی رۆیتەرز بڵاویکردەوە، هێزەکانی سووریای دیموکرات (هەسەدە) دوای گەیشتن بە رێککەوتن لەگەڵ حکومەتی سووریا، دەست دەکەن بە کشانەوە لە گەڕەکەکانی شێخ مەقسوود و ئەشرەفییەی حەلەب و بەرەو باکووری رۆژهەڵاتی سووریا بەڕێدەکەون.
رێککەوتنەکە دوای ململانێیەکی سەخت و چەند رۆژە دێت، کە تێیدا سوپای سووریا و گروپە چەکدارەکانی سەر بە دیمەشق بە تانک و فڕۆکەی بێفڕۆکەوان هێرشی فراوانیان کردە سەر ئەو دوو گەڕەکە و زیانی زۆری گیانی و ماددییان بە مەدەنییەکان گەیاند.
بەپێی زانیارییەکان، بڕیارە هێزەکانی هەسەدە و ئاسایش کە لەناو حەلەب بوون، لە رێگەیەکی پارێزراوەوە بگوازرێنەوە بۆ ناوچەکانی ژێر دەسەڵاتی بەڕێوەبەری خۆسەر لە باکوور و رۆژهەڵاتی سووریا، ئەمەش وەک هەوڵێک بۆ رێگریکردن لە خوێنڕشتنی زیاتر و کۆتاییهێنان بەو گەمارۆ توندەی خرابووە سەر گەڕەکەکان.
لە چەند ڕۆژی رابردوودا، گەڕەکەکانی شێخ مەقسوود و ئەشرەفییە رووبەڕووی هێرشێکی بێ وێنە بوونەوە، کە بووە هۆی لەکارکەوتنی نەخۆشخانەکان و ئاوارەبوونی هەزاران کەس.
