"پێکەوە بۆ عێراقێكی سهقامگیر"
لە رۆژی دامهزراندنی سوپای عێراقدا باڵیۆزخانهی ئهمریكا ستایشی پێشمهرگه دهكات
964+
فەرهاد حەسەن
باڵیۆزخانهی ئهمریكا له عێراق لە ساڵیادی دامهزراندنی سوپای عێراق پابهندبونی وڵاتهكهی دووپاتكردهوه بۆ بهردهوامبوون له كاركردن لهگهڵ پێشمهرگه و سوپای عێراق بۆ پشتیوانیكردن له عێراقێكی سهقامگیر.
باڵیۆزخانهکە کە بارەگاکەی لە بەغدایە، ئهمڕۆ سێشهممه پیرۆزبایی 105 ساڵهی لە سوپاکە کردووە و لهپهیامێكدا ستایشی “خزمهت و قوربانیدانی هێزهكانی پێشمهرگه و هێزه ئهمنیهكانی دیكهی عێراقی كردووە، له بهرگریكردن له عێراق و پاراستنی سهروهریهكهی.
ئاماژهی بهوهشكردوه، “ئهمریكا دان به رۆڵی گرنگی ئهو هێزانهدا دهنێت له بهدهستهێنانی سهركهوتنی سهختی بهرهكانی شهڕ بهسهر داعش و له پشتیوانیكردنی عێراقێكی سهقامگیردا”.
پابهندبونی ئهمریكاشی دوپاتكردووەتهوه، بۆ كاركردن لهگهڵ هێزه ئهمنییهكانی عێراق لهكاتێكدا عێراق بهردهوامه له بنیاتنانی داهاتویهكی سهلامهتتر و خۆشگوزهرانتر بۆ گهلهكهی.
ئەمڕۆ سێشەممە لە تەواوی پارێزگاکانی عێراق، وەکو ههموو ساڵێك ساڵیادی دامهزراندنی سوپا دهكرێتهوه، بهم بۆنهیهوه دهوامی فهرمی له دامودهزگا حكومییهكان و قوتابخانهكان راگیراوەو کراوەتە پشوو، بەڵام ئەم پشووە هەرێمی کوردستانی نەگرتووەتەوە.
باڵیۆزخانهی ئهمریكا له بهغدا کرایە ئامانج
زهنگی ئاگاداركردنهوه له باڵیۆزخانهی ئهمریكا له بهغدا لێیدا
