"هەموویان پیاون"
لە ملەی سەرتەکی بەمۆ مینی پاسێک وەرگەڕا و 11 کەس برینداربوون
964+
میلاد جەلال – گەرمیان
لە ملەی سەرتەکی بەمۆ مینی پاسێک وەرگەڕاو و 11 کەس برینداربوون کە بەپێی زانیارییە سەرەتاییەکان هەموویان پیاون.
سامان عەلی وتەبێژی هاتوچۆی گەرمیان بە 964ـی وت، “پاشنیوەڕۆی ئەمڕۆ هەینی 2.1.2026 مینی پاسێک لە ملەی سەرتەکی بەمۆ وەگەڕاوە و 11 کەس برینداربوون، بریندارەکانیش بۆ چارەسەری پزیشکی رەوانەی نەخۆشخانەی دەربەندیخان کراون”.
ئاماژەی بەوەشکرد، بەپێی زانیارییە سەرەتاییەکان بریندارەکان هەموویان پیاون و تا ئێستاش روون نییە کە خەڵکی کوێن و بۆچی روویان لەو ناوچەیە کردووە.
پێداچوونەوە؛ شۆڕش قادری
