هیران لە لوتکەدایە؛ بڕی بارانبارینی 24 کاتژمێری رابردوو بڵاوکرایەوە

964+

وریا فەتاح

بەپێی ئامارە فەرمییەکان، شەپۆلێکی توندی بارانبارین زۆربەی ناوچەکانی هەرێمی کوردستانی گرتووەتەوە و ناحیەی “هیران” لە سنووری پارێزگای هەولێر بە تۆمارکردنی 71 ملیمەتر، بەرزترین رێژەی بارانبارینی لەسەر ئاستی هەرێم لێ باریوە.

بەپێی ئەو داتایانەی کەشناسی هەرێم بڵاویکردووەتەوە، بارانبارینەکە زۆربەی ناوچە شاخاوییەکانی هەولێر، سلێمانی و دهۆکی گرتووەتەوە، لە بەرامبەردا ناوچەکانی گەرمیان و کەرکوک کەمترین بڕی بارانیان لێ باریوە.

پوختەی بارانی پارێزگاکان:

هەولێر: زۆرترین باران لە هیران (71 ملم) و سۆران (38.8 ملم) باریوە.
سلێمانی: زۆرترین باران لە سەرکەپکان (45.2 ملم) و قەڵادزێ (42 ملم) باریوە.
دهۆک: شێلادزێ بە 50 ملم و بجیل بە 42.5 ملم لە پێشەنگدان.
کەرکوک و هەڵەبجە: ڕێژەکان مامناوەند بوون، بەجۆرێک لە تەکیەی جەباری 15 ملم و لە تەوێڵە 15.8 ملم باریوە.
ئەو 10 شوێنەى زۆرترین بارانى 24 کاتژمێرى رابردویان لێ باریوە:

1.  هیران (هەولێر): 71

2.  شێلادزێ (دهۆک): 50

3.  سەرکەپکان (سلێمانی): 45.2

4.  بجیل (دهۆک): 42.5

5.  قەڵادزێ (سلێمانی): 42

6.  یاخسەمەر (سلێمانی): 41

7.  سۆران (هەولێر): 38.8

8.  چوارقوڕنە (سلێمانی): 38.6

9.  رواندز (هەولێر): 37.2

10. رانیە / چوارتا / سیدەکان: 35 (هەرسێکیان وەک یەک)

ئەم شەپۆلە بارانبارینە کاریگەری ئەرێنی گەورەی لەسەر ئاستی ئاوی ژێرزەوی و بەرزبوونەوەی ئاوی بەنداوەکان دەبێت لە سەرەتای ساڵی 2026ـدا.

بارانی راپەڕین "بەرەکەتی هێنا"؛ بەراورد بە پار سێ هێندە باریوە