"پارە پەیداکردن عەیبە نییە"
رۆژنامەنوس و ئەندازیاری خۆراک و کابانێکی باشە
964+
دیلان محەمەد-سلێمانی
کارێکی ئاسان نییە سێ پیشەت هەبێ و بە باشیش گرنگی بە هەرسێکیشیان بدەیت، بەڵام بۆ تەلار ئەحمەد ئەمە ئاسانە و دەیەوێ ئەوەی لەسەر سفرەکەی خۆیەتی پێشکەشی خەڵکیشی بکات.
تەلار ئەحمەد، رۆژنامەنوسە و ئەندازیاری خۆراکە و کابانێکی باشە و بۆ 964 دەڵێت، ئەمە خولیای و حەزی منداڵیمە، وتم خۆ من بۆ کاری رۆژنامەوانیەکە دێمە فێستیڤاڵەکان بۆ وەک خواردنیش بەشدار نەبم بە خواردنێکی بە تام و خۆش و پاک.
وادیارە لەگەڵ دیلانی پەیامنێر بەزم و رەزمی هاوڕێیەتی و پیشەکەیان زۆرە و لەگەڵ دەمەتەقێ خواردنەکانی پێ تاقیدەکاتەوە و دەڵێ، پارەکەش هەر لێ ئەسێنم بە دڵی خۆت بخۆ.
پێداچوونەوە: پەری ساڵح
