عێراق
بانکی رەشید تۆمەتەکانی نەبوونی نەختینە یان دەستبەسەرداگرتنی پارەی کڕیاران رەتدەکاتەوە
964+
ژووری هەواڵ
بانکی رەشید لە راگەیاندراوێكدا ئەو تۆمەتانە رەتدەكاتەوە، كە باس لە نەبوونی نەختینە لە بانكەكە و هەروەها دەستبەسەرداگرتنی پارەی کڕیاران دەكات.
بانكەكە ئەمڕۆ چوارشەممە 24.12.2025 لە راگەیاندراوێكدا دەڵێت، ئەوەی لە هەندێك پەیجی سۆشیال میدیا بڵاوكراوەتەوە سەبارەت بە نەمانی پارە لە بانكی رەشید و دەستبەسەرداگرتنی پارەی كڕیاران و ئەوانەی پارەیان لە بانكەكەیە، دوورە لە راستییەوە و هیچ بنەمایەكی نییە.
بانكی رەشید ئاماژە بەوە دەكات، بەردەوامن لە پێشكەشكردنی خزمەتگوزاریی بانكی بەپێی رێنمایی و پابەندە یاساییەكان، پارە و مافی هەموو كڕیارانی بانكەكە پارێزراوە.
هەروەها دووپاتی دەكەنەوە، بانكی رەشید رێكاری یاسایی بەرامبەر هەموو ئەو كەسانە دەگرێتەبەر، كە ئەو جۆرە هەواڵانە بڵاودەكەنەوە.
