رێگای گوندی شیوان لە سنووری سیدەکان زنجیر کرا

964+

شۆڕش قادری

بۆ رێگریکردن لە بڕینی داری تەڕ و راوکردنی نایاسایی رێگای گوندی شیوان لە سنووری سیدەکان سەربە ئیدارەی سەربەخۆی سۆران زنجیر کرا.

بەپێی راگەیەنراوێکی بەڕێوەبەرایەتی پۆلیسی دارستان و ژینگەی سۆران، بەفەرمانی عەقید وەهاب محەمەد بەڕێوەبەری بەڕێوەبەرایەتییەکە، بنکەی پۆلیسی دارستان و ژینگەی سیدەکان هەڵساون بە داخستن و زنجیرکردنی رێگای گوندی شیوان بەمەبەستی رێگریکردن لە بڕینی داری تەڕ و ڕاوکردنی نایاسایی.

پۆلیسی دارستان و ژینگەی سۆران دانیشتووانی ئەو دەڤەرە ئاگادار دەکاتەوە، بەهیچ شێوەیەک و بێ پرس و راوێژ ئەو رێگایانە نەکەنەوە، بەپێچەوانەوە رووبەڕووی یاسا دەبنەوە.

زۆرجار لە وەرزی بەهاریشدا، بەڕێوەبەرایەتی پۆلیسی دارستان و ژینگەی سۆران رێگای کوێستانەکان دادەخات بە مەبەستی رێگریکردن لە رنینی گژوگیای بەهارە.

له‌ سیده‌كان رێگاى لاوه‌كى چه‌ند گوندێك داخران کە مەترسی داربڕینیان لێدەکرێت

سبەی رێگای نێوان سمیلان و چەند گوندێک دادەخرێت