ئەگەر نەچن دوای سەری ساڵ موچەکانیان رادەگیرێت
کەسوکاری شەهیدان و زیندانیانی سیاسی سەردانی بانک بکەن بۆ وەرگرتنی فۆڕمی هەژماری من
964+
فەرهاد حەسەن
وەزارەتی شەهیدان، لەرێگەی نووسراوێکەوە ئاگادارییەکی بەپەلەی بۆ کەسوکاری شەهیدان و زیندانیانی سیاسی بڵاوکردووەتەوە، ک پێویستە لە ماوەی کەمتر لە 10 رۆژدا کارتی بانکی بکەن و بەڕێوەبەرایەتی شەهیدانی هەڵەبجەش دەڵێت “ئەگەر نەچن دوای سەری ساڵ موچەکانیان رادەگیرێت”.
نووسراوەکەی وەزارەتی کاروباری شەهیدان، ئاڕاستەی تەواوی پارێزگا و ئیدارە سەربەخۆکان کراوە و کەسوکاری شەهیدان (سەنگەر، هاوڵاتی، کیمیاباران)، زیندانیانی سیاسی و بەرکەوتووانی چەکی کیمیاوی، دەگرێتەوە.
بەڕێوەبەرایەتی گشتی شەهیدانی هەڵەبجە، ئاگادارییەکی گرنگ و بەپەلە ئاراستەی سەرجەم ئەو کەسانە دەکات کە موچە لە وەزارەتی کاروباری شەهیدان و ئەنفالکراوان وەردەگرن و تاوەکو ئێستا پرۆسەی (هەژماری من)یان ئەنجام نەداوە.
بەپێی بڕیارەکە، لە ساڵی داهاتووەوە سیستەمی دابەشکردنی موچە دەگۆڕێت و تەنیا لە رێگەی هەژماری بانکییەوە موچە دابەش دەکرێت.
بەڕێوەبەرایەتییەکەی هەڵەبجە دەشڵێت، هەرکەسێک کەمتەرخەمی بکات لە پڕکردنەوەی فۆڕمەکە، خۆی بەرپرسیار دەبێت لە ئەگەری دواکەوتن یان ڕاگرتنی مووچەکەی لە ساڵی نوێدا.
کەسوکاری شەهیدان و ئەنفالکراوان بۆ حەج ئاگادار کرانەوە
