بانگهێشتی فێستیڤاڵی فەجر كرا
شانۆیی “شەوێكی لەبیرنەكراو” لە تاران بە كوردی پێشكەش دەكرێت
964+
چاوان خەلیل
شانۆیی “شەوێكی لەبیرنەكراو” كە لە فێستیڤاڵی شانۆی سەقز نمایشی خۆی كرد و سەرنجی ئامادەبووان و چاودێرانی هونەری راكێشا، لە لایەن رێكخەرانی فێستیڤاڵی هونەریی فەجر بانگهێشتكرا و لە تاران نمایش دەكرێت.
شانۆییەكە كە لە هەڵەبجەش 22 رۆژ نمایشی كرد، لە شاری سەقزیش دوو جار نمایش كرا و لە مانگی دووی داهاتووش لە فێستیڤاڵی فەجر هەر بە كوردی نمایش دەكرێت.
بەرهەمەكە لە نووسینی ئێریەڵ دۆرفمەن و لە لایەن فاروق هۆمەر وەرگێڕدراوە، هەروەها خەڵات نەوزاد كاری داڕشتنەوە و دەرهێنانی بۆ كردووە و چوار ئەكتەریش رۆڵی تێدا دەگێڕن.
