تیمەکانی ژینگەپارێزی بارزان ژێرگڵیان کرد
نێریەکێوییەک بەهۆی لافاوەوە خنکا و لەسەر شاخەبەردێک گیرسایەوە
964+
شۆڕش قادری
تیمەکانی ژینگەپارێزی بارزان، نێریە کێویەکیان لەناوەڕاستی رووباری زراران دەرهێنایەوە کە بەهۆی لافاوەوە خنکابوو و لەسەر شاخەبەردێک گیرسابووەوە.
بەتالیۆنی ژینگەپارێزی بارزان گرتەڤیدیۆی دەرهێنانەوەی ئەو نێریە کێویەی لە پەیجەکەی خۆی بڵاوکردووەتەوە و نووسیویەتی، “ئاگادارکراینەوە نێریەکی کێوی لەسەر بەردێکی گەورە و لە ناوەڕاستی رووباری زراران بەمردوویی بەجێماوە کە بەهۆی بەرزی و نزمی ئاستی رووبار و لەکاتی بارانباریندا لەوێ بەجێمابوو، ئەمەش دەکرێت قوربانیەکی بەرزبوونەوەی ئاستی رووبار بێت لەکاتی بارانبارین”.
ئاماژە بەوەشکراوە، تیمەکانی بەتالیۆنی ژینگەپارێزی دەڤەری بارزان، نێریەکێویەکەیان لە ناو رووبارەکە دەرهێناوە و بۆ رێگەگرتن لە بڵاوبوونەوەی نەخۆشی و ڤایرۆس بەهۆی لاشەکەی، لە شوێنێکی پارێزراو ژێرگڵیان کردووە.
له شێروان مهزن هەڵۆیەکی زێڕین و رێوییەک بە مردوویی دۆزرانەوە
