"دەبینە خزمەتکاری چەمچەماڵییەکان"
لە دووبز عەرەب تورکمان هاوشانی کورد کۆمەک بۆ چەمچەماڵ کۆدەکاتەوە
964+
کاروان ساڵحی – کەرکوک
بەهۆی ئەو لافاوەی کە زەرەر و زیانێکی زۆری رووبەڕووی هاوڵاتیانی چەمچەماڵ کردەوە، لە قەزای دوبز تەواوی پێکهاتەکان بەیەکەوە کەمپینێکیان رێکخستووە و کۆمەک بۆ چەمچەماڵ کۆدەکەنەوە.
زێوەر مام ئەحمەد دانیشتوی دووبز بە 964ـی وت، هەموو رەنگەکانی دووبز بە کورد و عەرب و تورکمان دەستیان کردوە بە کۆکردنەوەی کۆمەک بۆ چەمچەماڵ “ئومێد دەکەم هەمیشە یەکدەست و یەکرەنگ بین، ئەوە کارێکی مرۆڤانەیە”.
پۆڵا شێرزادیش بە 964ـی وت، “ئێمە وەک گەنجانی دووبز هەستاین بەپ بەرپرسیارێتییە و داواکاریشین سەرجەم شاروشارۆچکەکان ئەم کارە بکەن” .
بێستون بارام بە964ـی وت “ئەمڕۆ ئێمەی دوبزی هاوشێوەی بەتەمەنەکانمان دەبینە خزمەتکاری چەمچەماڵییەکان و کۆمەکیان بۆ کۆدەکەنەوە”.
پێداچوونەوە؛ فەرهاد حەسەن
خورماتوو لە دووەم رۆژی کەمپەینەکەیدا بڕێکی زۆر نەوتی بۆ چەمچەماڵ کۆکردووەتەوە
