دووەمین دیداری میزۆپۆتامیا بۆ ئاو بەڕێوەچوو
زانکۆی سلێمانی لە ئامەدەوە چارەسەری ئاشتیانە بۆ قەیرانی ئاو دەخاتەڕوو
964+
فارهاد حەسەن
زانکۆی سلێمانی دەڵێت شاندێکیان لە دووەمین دیداری میزۆپۆتامیا لە باکووری کوردستان لەژێر دروشمی (ئاو ژیانە) و بەشدارن و پلانێکیان پێشکەشکردووە بۆ چارەسەری ئاشتیانە بۆ قەیرانی ئاو.
زانکۆکە بڵاویکردووەتەوە، دیدارەکە بە بەشداریی ڕاستەوخۆی شارەوانیی ئامەد، رێکخراوە ناوخۆیی و جیهانییەکان و کەسایەتییە ئەکادیمییەکان سازکراوە تێیدا مامۆستایانی کۆلێژی زانست (بەشی زانستەکانی زەوی و نەوت) و کۆلێژی زانستە ژینگەییەکانی چوارتا، ڕۆڵێکی بەرچاویان لە خستنەڕووی توێژینەوە زانستییەکان گێڕاوە.
ئەکادیمیانی زانکۆی سلێمانی بە پێشکەشکردنی چەند سیمینارێک بەشدارییان کرد، لەوانە پ.د. دارا فایەق بابەتی (پیسبوونی ئاو و لێکەوتەکانی)، پ.ی.د. فەهمی عوسمان بابەتی (کاریگەریی داماڵینی خاک لەسەر پۆند و بەنداوەکان)، د. ژینۆ خالید بابەتی (پاراستنی خاک لە پیسبوون) و م. ڕازان عومەر بابەتی (پاراستنی خاک و ئاو)یان پێشکەشکرد و تێیدا رووناکیان خستەسەر مەترسییەکانی پیسبوونی ئاو و خاک و گرفتە ژینگەییە هەنوکەییەکان.
دووەمین دیداری میزۆپۆتامیا بۆ ئاو، جەختی لەسەر گرفتە کەڵەکەبووەکانی ئاو و لێکەوتە ژینگەیی و کۆمەڵایەتییەکانی کردەوە، بەتایبەت ئەو پڕۆژانەی لەلایەن تورکیا و ئێرانەوە لەسەر سەرچاوە ئاوییەکان دروستکراون.
بەشداربووان گفتوگۆی چڕیان لەسەر دۆزینەوەی رێگەچارەی گونجاو بۆ قەیرانەکان و گۆڕینی قەیرانی ئاو بۆ دەرفەتی پڕۆژەی هاوبەش و بەدیهێنانی ئاشتی و سەقامگیریی ناوچەکە لە رێگەی دیپلۆماسیەتی ئاوەوە کرد.
سوریا گەورەترین قەیرانی ئاوارەیە لە جیهاندا
