هەواڵەکان؛
چەمچەماڵ چیرۆکەکانی دوای لافاو دەگێڕێتەوە
964+
ژووری هەواڵ
ئەوەی دوێنێ لە چەمچەماڵ روویدا کارەسات بوو، ئەمڕۆ تەوژمی لافاوەکە نەماوە و شەپۆڵە رقەکانی هێوربوونەتەوە، بەڵام ناخی خەڵکە زیانلێکەوتووەکەی دەکوڵێت و ئەوی دوێنێ بەسەر ماڵ و موڵک و ژیانیان داهاتووە، نازانن چۆن جارێکی دیکە پێکی بنێنەوە.
زیانلێکەوتووێکی چەمچەماڵ؛ ئەوەی چەند ساڵە کۆیدەکەمەوە لافاو لێی بردم
لەگەڵ ئەوەی لافاو زیانی جۆراوجۆر بەجێدەهێڵێت، بەڵام لەولاشەوە سوود و قازانجی خۆی هەیە، ئەوەتا وەزارەتی کشتوکاڵی هەرێم دڵی بەو ئاوە کۆگاکراوە خۆشە، کە لەماوەی دوو رۆژی بارانباریندا لە بەنداوەکان گلدراونەتەوە.
لە هەردوو بەنداوی دوکان و دەربەندیخان زیاتر لە 100 سەد ملیۆن مەتر سێجا داهاتی ئاو خەزنکراوە
وەکو پێشبینی دەکرا ئەو حەوزە ماسییانەی بەشێوەیەکی نایاسایی و دوور لە ستانداردەکان لە سنووری قەزای تەقتەق درستکراون، رۆژێک دێت بەهۆی بارانبارینی زۆرەوە بڕوخێن و لەناو بچن، رێک ئەم پێشبینییە شەوی رابردوو لەو قەزایە روویدا، ئەویش بەهۆی بەرزبوونەوەی ئاستی ئاوی زێی بچووک سەدان لەو حەوزە ماسیانە رووخان بەهۆیەوە دەیان هاوڵاتی زەرەرمەند بوون.
964 وەک دەستپێشخەری و هەنگاوێک هەڵدەستێت بە راگەیاندنى هەڵمەتێک بۆ کۆکردنەوەى کتێب بۆ کتێبخانەکەی قەزای چەمچەماڵ، کە بەهۆی لافاوەکەی دوێنێوە، لەماوەی چەند خولەکێک کۆتایى بەو هەموو رەنج و ماندووبوونەیان هاتووە کە لەماوەی 39 ساڵدا لەو کتێبخانەیە کۆیانکردبووەوە.
