شێوازێكی سەرنجڕاكێشی لە وانەوتنەوە هەیە
مامۆستایەکی بیرکاری ناوی منداڵەکەی ناوە “بیرکار”
964+
عەبدولعەزیز خالند – هەولێر
مامۆستایەکی بیرکاری ناوی منداڵەکەی ناوە بیرکار و پەیوەندییەکی باشی لەگەڵ قوتابییەکانی هەیە و سروودیشیان بۆ دەڵێت، هەروەها بە عەشایەرییش دەرسیان بۆ شەرح دەکات و جنێوی شەرعیشی فێری قوتابییەکانی کردووە.
عەبدولغەفار عەزیز، مامۆستای بیرکارییە لە هەولێر و بە 964ی وت، ئێمە هەر ئەوەی گوێمان لە بیرکاری دەبێت دەڵێن وانەیەكی وشکە و مامۆستاکانیش توند و وشکن، بەڵام هەوڵمانداوە پەیوەندییەکە بگۆڕین و لەگەڵ قوتابییەکان بە شێوەیەکی ئاسان و میللی وانەکان دەخوێنین، ئەوەش پەیوەندییەکی باشی دروستکردووە”.
وتیشی، ئەوەندە دەرسەکەی خۆمم خۆشدەوێت منداڵەکەم ناو ناوە بیرکار و لە ژیانی رۆژانەشم ئەو خۆشەویستییە رەنگی داوەتەوە، ناوەکەش مانای هەیە و بەڵام بە واتای ئەوە نییە منداڵەکەم ببیتە قوربانی حەزەکانی من، بەڵكو دەبێتە ببێتە مرۆڤێك كە بە بیركردنەوە كارەكانی بكات”.
پێداچوونەوە: ئەرسەلان عەبدوڵا
