چەمچەماڵ. فۆتۆ: 964
"سبەینێ دەگاتە دەستیان"
هەڵمەتی کۆکردنەوەی هاوکاری بۆ زیانلێکەوتووانی لافاوەکەی چەمچەماڵ دەستپێکرد
964+
شۆڕش قادری
وەزارەتی ناوخۆ هەڵمەتی کۆکردنەوەی هاوکاری بۆ زیانلێکەوتووانی لافاوەکەی چەمچەماڵ دەستپێکرد.
هێمن میرانی بەڕێوەبەری گشتی دیوان لە وەزارەتی ناوخۆی حکومەتی هەرێمی کوردستان لە راگەیەنراوێکدا بڵاویکردەوە، “بە سەرپەرشتی وەزارەتی ناوخۆ/ ناوەندی هاوبەشی هەماهەنگی قەیرانەکان هەڵمەتی فراوانی کۆکردنەوەی پاڵپشتی بۆ کەسوکارمان لە چەمچەماڵ و شوێنە زیانلێکەوتووەکانی دیکە دەستیپێکردووە”.
ئاماژەی بەوەشکردووە، لە سبەینێوە بە بەشداری چەند دامەزراوەیەکی ناحکومی و خێرخوازی و هاووڵاتیان، دەست و رۆحی کوردانەی برایەتی دەگاتە لێقەوماوان.
چەند رۆژێکە شەپۆلێکی بارانبارینی باش رووی لە ناوچەکانی کوردستان کردووە و ئەمڕۆش لە پارێزگاکانی سلێمانی و کەرکوک و چەند شوێنێکی دیکە لافاو دروستبوو، جگە لە زیانە ماددییەکان لە قەزای چەمچەماڵ و ناحیەی شۆڕش دوو هاوڵاتی گیانیان لەدەستدا و 12 کەسی دیکەش برینداربوون، لە ناحیەی لەیلانی کەرکوکیش، کچێکی تەمەن هەشت گیانی لەدەستدا.
یەکێک لە وانەی لە چەمچەماڵ گیانی لەدەست دا خاوەن پێداویستی تایبەتە
