سلێمانی
دیواری قوتابخانەی ئارین رووخا
964+
ئەحمەد محەمەد – سلێمانی
بەهۆی ئەو بارانە بەخوڕەی ئەمڕۆ سلێمانی گرتەوە، بەشێكی دیواری قوتابخانەی ئارینی بنەڕەتی لە گەڕەكی كانی كوردە رووخا.
پەیامنێری 964 لە بەردەم دیوارە رووخاوەكە وێنەكان دەگوازێتەوە و زانیارییەكانیش ئەوەیە، سەعات چواری ئێوارەی ئەمڕۆ سێشەممە 9.12.2025 بەشە دیوارەكە رووخاوە، بەڵام ئەوەی باش بووە قوتابییەكان زووتر ئیزن دراون و كەسی لێ نەبووە.
هاوكات 964 پەیوەندی بە بەڕێوەبەری گشتیی پەروەردەی سلێمانی نەژاد عەبدوڵا كرد و ئەویش رایگەیاند، هێشتا ئاگاداری رووداوەكە نییە، بەڵام بەهۆی ئەو شەپۆلی بارانە بەخوڕەی رووی لە شارەكە كردووە، داوایان لە بەڕێوەبەری پەروەردەكانی سلێمانی كردووە، داتا وەربگرن و هەر قوتابخانەیەك زیانی بەركەوتووە، بە زوویی چاكی بكەنەوە.
پێداچوونەوە: ئەرسەلان عەبدوڵا
