تیمەکانی لە بەغداوە هاتوونەتە سنونێ
وەرگرتنی نموونەی خوێن لە کەسوکاری ئێزدییەکان ماوەی سێ رۆژی دیکە بەردەوام دەبێت
964+
فەرهاد حەسەن
پزیشکی دادی بەغدا بلاویکردەوە، وەرگرتنی نموونەی خوێن لە کەسوکاری ئێزدییەکان ماوەی سێ رۆژی دیکە بەردەوام دەبێت و ئاگاداری ئەو کەسانە کراوەتەوە، کە تا ئێستا نەچوونەتە لای لیژنەکە، تا رۆژی پێنجشەممەی داهاتوو دەتوانن سەردانی بکەن.
ئاماژە بەوە کراوە، لە چوارچێوەی هەڵمەتی نیشتمانی بۆ کۆکردنەوەی زانیاری و نموونەی خوێن، تیمە تایبەتمەندەکانی بەشی پزیشکی دادوەری، بەشی گۆڕە بەکۆمەڵەکان، بە هاوکاری دەزگای شەهیدان و بە هەماهەنگی لەگەڵ کۆمسیۆنی نێودەوڵەتی بۆ کەسانی ونبوو (ICMP)، هەڵمەتی کۆکردنەوەی نمونەی خوێن و زانیاری لە کەسوکاری قوربانیانی ئێزیدی لە پارێزگای نەینەوا وەردەگرن.
هەڵمەتەکە لە رۆژی 6.12.2025 دەستیپێکردووە و لە رۆژی 11.12.2025 کۆتایی دێت و لە هۆڵی باڵیۆز کە دەکەوێتە نزیک بازگەی سینونێ رۆژانە لە کاتژمێر 9:00ـى سەرلەبەیانی تا 2:00ـى پاشنیوەڕۆ بەڕێوەدەچێت.
کەسوکار و خێزانی بێسەروشوێنەکان پێویستە تەنیا ناسنامەی نیشتمانی یاخود ناسنامەی باری شارستانی لەگەڵ خۆیان ببەن.
لە چەمچەماڵ بۆ پشکنینی DNA تەنیا 388 کەس نمونەی خوێنی لێ وەرگیراوە
