لە سلێمانی
چارەسەری سروشتی کرایە وانە و پەیمانگەیەک کردییەوە
964+
دیلان محەمەد جەزا
بۆیەکەم جار لەسەر ئاستی سلێمانی پەیمانگەی پەروەردەی وەرزشی سلێمانی ناحکومی، بەشی چارەسەری سروشتی کردەوە، دەرچوانی پۆلی 9ی بنەڕەتی ئەم ساڵ و ساڵانی پێشووتر دەتوانن بۆ درێژەدان بەخوێندن فۆڕم وەربگرن.
وەک رێنماییەکانی پەیمانگە روونی کردووەەتەوە، تەمەن و نمرە رێگرنین و بۆ خوێندن لە پەیمانگەکە، پاش تەواوکردنی پەیمانگە فێرخواز دەبێتە خاوەن بڕوانامەی دبلۆمی باوەڕپێکراو لەلایەن وەزارەتی پەروەردە لەبواری “چارەسەری سروشتی” و دەتوانن ڕاستەوخۆ درێژە بە خوێندن بدەن لە زانکۆ.
محەمەد حەسەن، یاریدەدەری بەڕێوەبەری پەیمانگە بە 964ی وت، پەیوەندییلی پتەر لەنێوان وەرزش و چارەسەری سروشتی هەیە، هەوڵدراوە داشکاندنی تایبەت بۆ خوێندکاران بکرێت کە ساڵانە لەسەر ئاستی قۆناغەکانیان پلەی “یەکەم و دووەم و سێیەم” بەدەست دەهێنن.
خوێندن لە پەیمانگەکە پێنج ساڵە، ژمارەیەک مامۆستای خاوەن بڕوانامەی “بەکالۆریۆس و ماستەر” وانەکان بەشێوەی تیۆری و پراکتیکی دەڵێنەوە.
پێداچوونەوە: ئەحمەد مستەفا
بە چارەسەری سروشتی سەدان گەنجی لە نەشتەرگەری گەڕاندووەتەوە
