"سوێند بە خودا ئەمە سێیەم جارە بێم"
ئامێرەکانی ئەی تی ئێم لە کەلار جمەیان دێت
964+
میلاد جەلال – کەلار
چوارەم رۆژی دابەشکردنی موچەیە، ئامێرەکانی راکێشانی پارە لە کەلار بەرناکەون، موچە خۆرێک دەڵێت،”دوو رۆژە لە کفریەوە دێمە کەلار و ناتوانم موچەکەم راکێشم”.
سیروان قادر، موچەخۆرە و بە 964ـی وت،”لە دوێنێوە چەندجارە لە کفریەوە دێمە کەلار بۆ راکێشانی موچەکەم، بەڵام ئامێرەکە کارتەکە ناخوێنێتەوە و کەسیش نییە کێشەکانمان چارەسەر بکات”.
“نازانم کەی موچەکەم وەردەگرم، دەڕۆمە نوسینگەکانی ئاڵوگۆڕی دراو پارەکەم رابکێشم، لەوێش پێمدەڵێن ناتوانین پارەی ئەم بانکە راکێشین”، سیروان قادر وای وت.
پێداچوونەوە: باخان تۆفیق
