"بۆ بنیاتنانی سیستەمێکی پەروەردەیی مۆدێرنە"
یونسکۆ لەرێگەی پلانێکەوە فێربوونی دیجیتاڵی لە عێراق و هەرێمی کوردستان جێبەجێ دەکات
964+
فەرهاد حەسەن
رێکخراوی یونسکۆی سەر بە نەتەوەیەکگرتووەکان لەرێگەی پلانێکی ستراتیژییەوە فێربوونی دیجیتاڵی لە عێراق و هەرێمی کوردستان جێبەجێ دەکات و دەڵێت، ئەم نەخشەڕێگایە ئامانجی بنیاتنانی سیستەمێکی پەروەردەیی مۆدێرنە.
فێربوونی دیجیتاڵی لە عێراق پێکهاتەیەکی سەرەکییە لە پڕۆژەی ئیتالیم، کە لەلایەن یەکێتی ئەوروپاوە پارەی بۆ دابینکراوە و بە هاوبەشی نێوان یونسکۆ و یونیسێف جێبەجێ دەکرێت.
لقی یونسکۆ لە عێراق بڵاویکردەوە، بە هاوکاری وەزارەتی پەروەردەی حکومەتی فیدراڵی و حکومەتی هەرێمی کوردستان، کۆبوونەوەیەکیان ئەنجامداوە، بۆ پەسەندکردنی پلانی جێبەجێکردنی فێرکردن و فێربوونی دیجیتاڵی و ستراتیژییەکەی، کە ئەم نەخشەڕێگایە ئامانجی بنیاتنانی سیستەمێکی پەروەردەیی مۆدێرن و گشتگیر و یەکسانە بۆ سەرجەم خوێندکاران و مامۆستایان لە سەرانسەری عێراق.
پلانەکە، قوتابخانەی پەیوەستکراو، مامۆستایانی بەهێزکراو و دەرفەتی فێربوونی دیجیتاڵی پێشبینی دەکات کە هەموو فێرخوازێک دەستی پێبگات، هاوتەریبە لەگەڵ ستراتیژی پەروەردەی نیشتمانی عێراق (2022-2031)، دیدگای عێراق 2030، و ئامانجی گەشەپێدانی بەردەوام.
هەروەکو یونسکۆ باسیدەکات، ئەولەویەتەکانی سەرەکی پلانەکە بریتین لە:
• فراوانکردنی ژێرخانی دیجیتاڵی و پەیوەندی
• پەرەپێدانی ناوەڕۆکی دیجیتاڵی دەستڕاگەیشتن و پەیوەندیدار بە کولتوورییەوە
• فراوانکردنی پرۆگرامەکانی باوەڕپێکردنی مامۆستا و پەرەپێدانی پیشەیی
• بەهێزکردنی حوکمڕانی، سەلامەتی منداڵان بە شێوەی ئۆنلاین، و پاراستنی زانیارییەکان
• بنیاتنانی دارایی بەردەوام لە ڕێگەی هاوبەشییەوە
لە رێگەی ئەم پلانەوە عێراق بەرەو بەرنامەیەکی تۆکمەی نیشتمانی هەنگاو دەنێت کە دڵنیایی دەدات فێربوون بۆ هەموو کەسێک، لە هەموو شوێنێک، لە هەموو کاتێکدا بەردەست بێت.
لە کۆبوونەوەکەیاندا 35 لایەنی پەیوەندیدار لە کەرتی پەروەردە کۆکرانەوە، کە بریتی بوون لە نوێنەرانی وەزارەتی پەروەردە، فەرمانگەی راوێژکاری پەروەردە لە ئۆفیسی سەرۆکوەزیران، وەزارەتی پلاندانان، وەزارەتی پەیوەندییەکان، یەکێتی ئەوروپا، یونیسێف، و رێکخراوەکانی کۆمەڵگەی مەدەنی. بەشداربووان جەختیان لەسەر پێویستی بەپەلە کردەوە بۆ تێکەڵکردنی تەواوەتی تەکنەلۆژیا لە کەرتی پەروەردەدا و پێشنیاریان کرد کە سەرچاوەی مرۆیی و دارایی پێویست بۆ جێبەجێکردنی پلانەکە تەرخان بکرێت.
هۆشداریشیان دا لەوەی دواکەوتنەکان دابەشبوونی دیجیتاڵی زیاتر فراوانتر دەکات، بەتایبەتی کاریگەری لەسەر خوێندکاران و مامۆستایان دەبێت.
رێکخراوی یونسکۆ گوندی هەجیج بە جیهانیی دەکات
شوێنەوارەکانی گەرمیان دەیانەوێت یونسکۆ بیان ناسێنێت
