دزێک بڕێک پارە و مۆبایلێکی لەناو ماڵێکدا دزی؛ دەستگیر کرا

964+

شۆڕش قادری

لە گەڕەکی بەکرەجۆی سلێمانی، دزێک بڕێک پارە و مۆبایلێکی لەناو ماڵێکدا دزی، پۆلیس دۆزییەوە و قۆڵبەستی کرد.

بەڕێوەبەرایەتی پۆلیسی پارێزگای سلێمانی لە راگەیەنراوێکدا دەڵێت، “دوای ئەوەی هاوڵاتییەك لە نووسینگەی بەکرەجۆی بەشی پۆلیسی نەهێشتنی تاوان سكاڵای تۆماركرد کە بڕێک پارە و موبایلێکی زیرەکی لەماڵەکەیدا لێ دزراوە، بڕیاری دادوەر وەرگیرا و هێزەکانمان لێكۆڵینەوە و بەدواداچوونیان بۆ دۆزینەوە و دەستگیرکردنی تۆمەتبار دەستپێكرد.

ئاماژەی بەوەشکراوە، تۆمەتبار بەناوی (س، م، ص)  دۆزراوەتەوە و دەستگیر کراوە، لە لێکۆڵینەوەکاندا دانی بە تاوانەکەیدا ناوە و لە ئێستادا بەبڕیاری دادوەر و بەپێی ماددەی 443 لە یاسای سزادان راگیراوە و لێکۆڵینەوە لە دۆسیەکە بەردەوامە.

پۆلیسی سلێمانی دزەکانی بناری گۆیژەی دەستگیر کرد

بەرۆژی رووناک لە سلێمانی دزی کرد؛ بۆی نەچووەسەر و دەستگیر کرا