ئۆتۆمبێلەکەیان وەرگەڕا
لە رووداوێکى هاتوچۆدا دوو خوێندکارى زانکۆ گیانیان لەدەستدا
964+
کاروان ساڵحی-کەرکوک
لە رووداوێکى هاتوچۆدا کە دوانیوەڕۆى ئەمڕۆ یەکشەممە 23.11.2025 روویداوە، دوو خوێندکارى کۆلێژى تەقەنى حەویجە، گیانیان لەدەستدا.
رووداوەکە لە جۆرى وەرگەڕان بووە و لەسەر رێگاى نێوان حەویجە بۆ تکریت لە نزیک گوندى ئال لەقلەق، روویداوە.
موهەیمەن داود، هاوڕێ خویندکارەکان بە 964ـی ،”هواڕێکانم بە ناوەکانى (خالید خەڵەف و حەمید جاروڵا، دواى ئەنجامدانى تاقیکردنەوە ویستویانە بگەڕێنەوە بۆ ناحیەى عەلەم، بەڵام لە رێگا ئۆتۆمبێلەکەیان وەرگەڕاوە و هەردوکیان گیانیان لەدەستداوە”.
بە وتەى موهەیمەن، تەرمەکانیان رەوانەى نەخۆشخانەى ناحیەکەیان کراوە و بڕیارە ئەم ئێوارەیە سپاردەى خاک بکرێن.
پێداچوونەوە: وریا فەتاح
