پاشماوەیەکی زۆر کەڵەکە ببوو

شەقامی لای قەسابخانە کۆنەکە لە پێنجوێن پاک کرایەوە

2025-11-20 | 10:58

964+

شۆڕش قادری

شەقامی لای قەسابخانە کۆنەکە لە پێنجوێن لە پاشماوە و خۆڵ و خاشاک پاک کرایەوە.

بەپێی راگەیەنراوێکی سەرۆکایەتی شارەوانی پێنجوێن، ئەمڕۆ پێنجشەممە 20.11.2025 تیمەکانیان هەڵمەتێکیان بۆ پاککردنەوەی شەقامی لای قەسابخانە کۆنەکە ئەنجامداوە.

ئاماژە بەوەشکراوە، ئەو شەقامە بەتەواوەتی لە پاشماوەی کەلاوەی کۆن و خۆڵ و خاشاک خاوێن کراوەتەوە و کارەکەش لەلایەن کۆمپانیای گەردین و بەسەرپەرشتی لیژنەکانی شارەوانی ئەنجام دراوە.

شارەوانی پێنجوێن ناوە ناوە هەڵمەتی خاوێنکردنەوەی شەقام و شوێنە گشتییەکانی قەزاکە رادەگەیەنێت.