ئاگرێکى گەورە لە بەغدا - وێنە: ئەرشیف
دواى هەوڵێکى زۆر
ئاگرەکەى بەغدا کۆنتڕۆڵکرا
964+
وریا فەتاح
لە بەغدا، تیمەکانى بەرگرى شارستانى ئەو ئاگرە گەورەیەیان کۆنتڕۆڵکرد کە بەرەبەیانى ئەمڕۆ لەناو ژمارەیەک دوکانى پارچەى یەدەگى ئۆتۆمبێل کەوتەوە.
بەرگرى شارستانى عێراق بڵاوى کردەوە، لەچەند دوکان و کۆگایەکى کڕین و فرۆشتنى پارچە یەدەگەکانى ئۆتۆمبێل کە بەشێوەیەکى نایاسایى لەسەر زەوی زێدەڕۆى ناوچەى تالبییەى بەغدا دروستکراو بوون، بەرەبەیانى ئەمرۆ ئاگرێکى گەورە کەوتەوە.
وەک باسى دەکات، بەسەرپەرشتى راستەوخۆى بەڕێوەبەرى بەرگرى شارستانى و تیمەکانیان و بەکارهێنانى ئۆتۆمبێلى پێشکەوتووى ئاگرکوژێنەوەى هەردوو بەشى کەرخ و رەسافە، لەگەڵ بەکارهێنانى ئۆتۆمبێلى پەیژەیى، تونرا دواى هەوڵێکى زۆر لە گەمارۆدانى ئاگرەکە، رێگرى لە تەشەنەکردنى بکەن و دواتر کۆنتڕۆڵى بکەن.
