لە فێستیڤاڵی هەنار
سێ کچ بە دیزاینێکی نوێ کیس و کوپەڵە دروستدەکەن
964+
ئەمەل ناجی – هەڵەبجە
لەنێو فێستیڤاڵی هەنار، خواردەمەنی و بەرهەمی پایزە دانراوە، ئەوە جگە لەوەی دەرفەتە بۆ ئەو کەسانەی خاوەن کاری سەربەخۆن، لەوێ سێ کچ کە دوانیان خوشکن، براندی کەتانیان داناوە.
کەتان، دیزاینی کیف، کیس و کوپەڵە دەکات بۆ هەلگرتنی، خواردن و خواردەمەنی، کە سەرجەم نەخشەکان لە دەرەوە بە کردنی دەدەن، دواتر خۆیان لەسەر نایلۆن، کیف و پارچە قوماش و کوپ دەینەخشێنن.
ئەمڕۆ پێنجشەممە، 11ـەهەمین فێستیڤاڵى هەنارو پاییزى هەڵەبجە دەستیپێکرد، سەرەتا میوانان پۆل پۆل بەرەو مەیدانى فێستیڤاڵەکە چوون و فرۆشیارانیش بە جوانترین شێوە کەپرەکانیان رازاندەوە.
هەنار و شەربەتى هەنار، دیمەنى فێستیڤاڵەکەیان سوورتر کردبوو و چاوەڕێ دەکرێت بۆ ئەمساڵ نیو ملیۆن سەردانیکار و گەشتیار سەردانى فێستیڤاڵەکە بکەن.
پێداچوونەوە: ئەحمەد مستەفا
